Aey Sabz Ghumbad Waale

Aey Sabz Ghumbad Waale Manzoor Dua Karna
Jab Waqte Naza Aaey Didaar Ata Karna

Aey Noorey Khuda Aakar, Aankho Mei Sama Jaana
Ya Dar Pe Bula Lena, Ya Khwaab Mei Aa Jaana
Aey Pardaah Nashi Dil Ke, Parde Mei Raha Karna

Mehboobe Ilaahi Sa, Koi Na Hasin Dekha
Yeh Shaan Hai Unki Ke, Saayaah Bhi Nahi Dekha
Allah Ne Saaey Ko, Chaaha Na Juda Karna

Maí Qabr Andheri Mei, Ghabraa-Unga Jab Tanha
Imdaad Ko Meri Tum, Aa Jaana Zara Shaaha
Roshan Meri Turbat Ko, Lillaah Zara Karna

Mujrim Hu Jahaa Bhar Ka, Mehshar Mei Bharam Rakhna
Ruswaaey Zamaana Hu, Aaqa Kamli Mei Chupa Lena
Maqbool Dua Meri, Mehboobe Khuda Karna

Chehre Se Ziya Paai, Sab Chaand Sitaaro Ne
Is Dar Se Shifa Paai, Dukh Dard Ke Maaro Ne
Aata Hai Unhe Sabir, Har Dukh Ki Dawa Karna

 

1 Comment

  1. Masha ALLAH, Kafi arsay say is kalam ki talaash main tha, so aap k tavassut say mil gaya, ye web meray liye bahtraeen natoon ko talassh karnay main madad gaar sabit hovi, JAZAK ALLAH

Leave a Reply