Kya Ajab Noor Ka Behta Hai Jo Darya Dil Mein

Kya ajab noor ka behta hai jo darya dil mein
Dil hai Taiba mein mera, aur hai Taiba dil mein.

Gham ki chaadar jo kabhi odh ke so jata hoon
Jaagti rehti hai Aaqa ki tamanna dil mein.

Uss ghari meri maddad karte hain mere Aaqa (salla Llahu ‘alayhi wa sallam)
Jab bhi ho jati hai uljhan koi paida dil mein.

Dil issi waaste reh reh ke dhadakta hai mera
Kyunke rehte hain hamesha mere Aaqa (salla Llahu ‘alayhi wa sallam)dil mein.

Eik eik cheez mujhe saabz nazar aati hai
Bass gaya jab se sakhi Gumbad-e-khazra dil mein.

Kya ajab noor ka behta hai jo darya dil mein
Dil hai Taiba mein mera, aur hai Taiba dil mein.

Leave a Reply