Madinay Bula Lo Madinay Key Waali

Madinay bula lo Madinay key waali (salla Llahu ‘alayhi wa sallam)
Yeh peyghaam ley ja saba jatay jatay
HaN peygham lana meri haazri ka
Barahey karam mehrbaN atay atay

Teray dar peh aauN mey ban kar sawli
Rahey saamney Teray Rowzay ki jali
GhareeboN key Mowla yateemoN key waali
Bari deyr kar di bulatay bulatay

Idhar bhi nighahey karam ho Khudara
Kabhi to muqadar ka chamkey sitara
Meri umr guzri Teri barghah mey
DuaoN ka daman bichatey bichatey

Mey Teri sakhawat peh qurbaan jaun
Mey kyun na Teray Dar peh daman bichauN
Teray haath thaktey nahi Kamli waley
Karam key khazaney lutatey lutatey

Muqdar mey meray bhi aysi gadi ho
Fizaey Haram ho diyare Nabi ho
Darey Mustafa (salla Llahu ‘alayhi wa sallam) peh meri haazri ho
Nadamat keh ansuN bahatey bahatey

Kabhi khanaey dil mey tashreef laein
Bari deyr sey muntazir hai nighaein
Bara saat mera diya ansuoN ney
Meray dil ka angan sajatey sajatey

Madinay bula lo Madinay key waali
Yeh peyghaam ley ja saba jatay jatay
HaN peygham lana meri haazri ka
Bara hay karam mehri baN atay atay

 

Leave a Reply