Mein Sajdah Karun Ya Ke Dil Ko Sambhalun

Mein sajdah karun ya ke dil ko sambhalun Muhammad (salla Llahu ‘alayhi wa sallam) i chokhat nazar aa rahi hain
Issi be-khudi main kahiin kho na ja-un tarrap kamli waale ki tarrap aa rahi hain

Do aalam ka daata mere saamne hei ke Kaabe ka kaaba mere saamne hain
Ada kyun na farz-e-muhabbat karun mein khuda ki khudaii jhuki ja rahi hain

Galai main hein zulfain to neechi nigahain nazar chuumti hei madine ki raahein
Farishte bhi barh kar qadam choomte hein Muhammad (salla Llahu ‘alayhi wa sallam) ki jogan chali aa rahi hain

Faqeeri ka mujh main nahiin hei saleeqa na aata hei kuch maangne ka tareeqa
Idhar bhi nigaahe karam kamli waale zamane ki jholi bhari ja rahi hei

Farishto sar-e-raah ankhain bicha do uttho behr-e-tazeem sar ko jhuka do
Khuda keh raha hei mere dilruba ki wo dekho sawaari chali aa rahi hei

Ye farmaya haq ne ke pyaare Muhammad (salla Llahu ‘alayhi wa sallam) hamare ho tum ham tumhare Muhammad (salla Llahu ‘alayhi wa sallam)
Hamain apne jalwon main eh kamli waale tumhari hi surat nazar aa rahi hei

Ye jazba muhabbat hei rahmat khuda ki hei chokhat mere saamne Mustafa (salla Llahu ‘alayhi wa sallam) ki
Mujhe kyun na ho naaz qismat pe muslim muhabbat kahaan ki kahaan la rahi hei

 

Leave a Reply