Meri ulfat Madine se youn hi nahi

Madina markaz e mehr o wafa hai
Madina masdar e jud o sakha hai
Madina husn e fitrat ka hai markaz
kyoun ke madine mein jamal e mustafa hai

“lam yaati nazeero kafi nazarin”

meri ulfat madine se youn hi nahi
mere aqa ka roza madine mein hai
main madine ki janib na kaise khichoun
mera deen aur dunya madine mein hai

arsh e azam se jis ki barri shaan hai
roza e mustafa jis ki pehchaan hai
jis ka humpalla koi muhalla nahi
eik aisa muhalla Madine mein hai

phir mujhe maut ka koi khatra na ho
maut kya zindagi ki bhi parwa na ho
kaash sarkar ik baar mujh se kahein
ab tera marna jeena Madine mein hai

jab nazar sue taiba rawana hui
saath dil bhi gaya saath jaan bhi gai
main muneer ab rahoon ga yahan kis liye
mera saara asasa Madine mein hai

Leave a Reply