Mustafa Se Jab Tumhara Silsila

Mustafa (salla Llahu ‘alayhi wa sallam) se jab tumhara silsila mil jayega
Khud ba khud aye dhoonde wale Khuda mil jayega

Kya bataoon Unke darr pe jaa ke kya mil jayega
Jo tallab hogi, tallab se bhi siwa mil jayega

Unke sadqe main Khuda se maang kar dekhe koi
Mudda’i ke lab hilenge mudda’a mil jayega

Gham nahi gumm ho bhi jayein, rahe firdous-e-bari
Mustafa (salla Llahu ‘alayhi wa sallam) ka naam loonga, raasta mil jayega

Naam Unka waqt-e-muskhil le ke dekho to zara
Na-umeedi mein bhi dil ko aasra mil jayega

Mustafa (salla Llahu ‘alayhi wa sallam) se jab tumhara silsila mil jayega
Khud ba khud aye dhoonde wale Khuda mil jayega

Leave a Reply