Paish e haq muzdah shafaat ka sunaate jaaye ge

Paish e haq muzdah shafaat ka sunaate jaaye ge
Aap rote jaaye ge hum ko hasate jaaye ge

Dil nikal jaane ki jaa hain aah kin ankhon se Wo
Hum se pyaaso ke liye darya bahaate jaaye ge

Haan chalo hasratzado sunte hain wo din aaj hain
Thi khabar jis ki ke Wo jalwa dikhaate jaaye ge

Kuch khabar bhi hain faqeero aaj wo din hain ke wo
Nemat e Khuld Apne sadqe me lutaate jaaye ge

Wusate di hain Khuda ne daaman e Mahboob ko
Jurm khulte jaaye ge aur Wo chupaate jaaye ge

Aankh kholo ghumzado dekho wo giryaan aaye hain
Loh e dil se naqsh e ghum ko ab miaate jaaye ge

Sarwar e Deen lijiye Apne naatwaano ki khaar
Nafs o shaitaan Sayyeda kab tak dabaate jaaye ge

Hashar tak daale ge hum paidaahish e Maula ki dhoom
Misl e faaris najd ke qale giraate jaaye ge

Khaak ho jaaye aduw jal kar maghar hum to Raza
Dum me jab tak dum hain zikr Un ka sunaate jaaye ge

Leave a Reply