Jis pe qurban hue shams o qamar ke jalwe
wohi jalwe mere Sarkar (salla Llahu ‘alayhi wa sallam) ke dar ke jalwe

jis ne damaan mein bhare unke karam ke moti
uss se poche to koi unki nazar ke jalwe

unke gesu ne hi rehmat ki ghatta chaayi hai
unke abru mein hi do qiblon ki yakjaayi hai

bhar de bhar de, mere Aaqa, meri jholi bhar de
Allah ne aap ko mukhtaar bana rakha hai

ik jhalak dekhne ki taab nahi alaam ko,
woh aggar jalwa karein kon tamashayi ho

Kahin behosh na ho jaaye zamaana sara,
iss liye husn ko pardon mein chupa rakha hai

yehi manzoor tha kismat ko, ke saya na bane
aise yakta ke liye aisi hi yaktai ho

mere ghar aayein aggar tere qadam aye jaan-e-jahaan
tujhpe qurbaan mera saara gharaana hota

gumbad-e-khazra khuda tujhko salaamat rakhe,
dekh lete hain tujhe pyaas bhuja lete hain

yeh na socho ke woh ayenge to tehrenge kahaan,
woh to khushboo ki tarah dil mein uttar jaate hain