Mahboob ke dar par jaun Wo waqt e mubaarak aaye
Taqdeer apni chamkaoo, Wo waqt e mubarak aaye

Jab paish e nazar ho mere, Minaar o gumbad tere
Me ghush khaa kar gir jaoo, Wo waqt e mubarak aaye

Phir zair e Gumbad e Khazra, Ro ro ke dast basta
Sab haal me Tujh ko sunaoo, Wo waqt e mubarak aaye

Dil ko apne samja kar, Deedaar ki aas dilaa kar
Ro ro kar me so jaoo, Wo waqt e mubarak aaye

Wo khwaab me jalwa dikhae, Ae kash karam farmaye
Me qadmo me gir jaoo, Wo waqt e mubarak aaye

Hain dil ka Ubaid ye armaan, Phir ban kar Un ka mehmaan
Darbaar me naat sunaoo, Wo waqt e mubarak aaye

Sarkar ke dar par jaun Wo waqt e mubaarak aaye
Taqdeer apni chamkaoo, Wo waqt e mubarak aaye