Bazm e tasawwuraat saji thi abhi abhi
Nazron mayn Mustafa ki gali thi abhi abhi

Seenay mayn ruk gya tha mayra dam iss liay
Taibah say dil ddoar hili thi abhi abhi

Itna karam huaa kay muqaddar badal ga-ay
Un kay karam ki baat chali thi abhi abhi

Maaloom kar rahay thay farishton say jibraiil
Kiss ki zubaan pay naat e nabi thi abhi abhi

Shabbir chashm e tar ki haqiiqat na poochhiay
Maah e arab say aankh mili thi abhi abhi