Khuda ka ziker karay, zikr-e-Mustafa (salla Llahu ‘alayhi wa sallam) na karay, (x 3)
Hamaray moonh main woh aisi zubaan khuda na karay! (x 2)

Darr-e-Rasool (salla Llahu ‘alayhi wa sallam) pe aisa kabhi nahi dekha, (x 2)
Koi sawaal karay aur WOH ata’a na karay! (x 2)

Madina ja ke nikalna na shehar seh bahir, (x 2)
Khuda na khwasta yeh zindagi wafa na karay! (x 2)

Nabi (salla Llahu ‘alayhi wa sallam) ke qadmoun pe jis dum ghulam ka sir ho, (x 2)
Kaza’a seh kehdo ke ik lamha bhi kaza’a na karay! (x 2)

Aseer jis ko bana kar rakhein Madinay main, (x 2)
Tamaam umar rihayi ki woh dua’a na karay! (x 2)

Kaha Khuda ne shifa’at ki baat mehshar main, (x 2)
Pehal habib karay koi doosra na karay! (x 2)

Shaoor-e-Naat bhi ho aur zubaan bhi ho adeeb, (x 2)
Woh aadmi nahi jo innka haqq ada’a na karay! (x 2)

KHUDA ka zikar karay, zikr-e-Mustafa na karay,
Hamare moonh main woh aisi zubaan khuda na karay