Mujhey Taybah main le jaao, Madinah yaad ayaa hai
Meray Aqa (salla Llahu ‘alayhi wa sallam) ko bulwaao, Madinah yaad ayaa hai

Terii mehfil sajataa hoon, teray main geet gataa hoon
Sar-e-mehfil chaley aao, Madinah yaad ayaa hai

Main jetaa roz marta hoon, judaa’ii seh naheen saktaa
Meray Aqa ko batlaao, Madinah yaad ayaa hai

Merii tariiki-e-dil ka madawaa teraa aanaa hai
Meray Aqa chaley aa’o, Madinah yaad ayaa hai

Chaley hain qaafley Taybah akelaa chor kar mujh ko
Mujhey Taybah main pohncha’o, Madinah yaad ayaa hai

Teri furqat ne maaraa hai, terii rehmat saharaa hai
Qariib-e-marg hoon aa’o, Madinah yaad ayaa hai

Meray mayyat ko le jaanaa, Madinah paak main yaaro
Mujhe Taybah main dafnaa’o, Madinah yaad ayaa hai

Teri ummat ko mil kar ghairon se apno ne lutaa hai
Isey kamlii main chupaao, Madinah yaad ayaa hai

Hoo’ii hai jaan kii dushman teray Tahir ki yeh duniyaa
Isey kamlii main chupaa’o, Madinah yaad ayaa hai

Yeh Tahir teraa deewanah teri ummat ka khaadim hai
Mishan is ka bhi pelaa’o, Madinah yaad ayaa hai

Gunahgaaron khataakaaron seyaahkaaron ke Aqa ho
Nah Jilaani ko thukraao, Madinah yaad ayaa hai