Mayri baat ban gaii he tayri baat kartay kartay
Tayray shehr mayn meyn aa-oon tayri naat parrtay parrtay

Tayray ishq ki badolat mujhay zindagi mili he
Mayray paas bhi he aaii mayri moat dartay dartay

Kiss cheez ki talab he na he aarzoo hi koii
Toon nay itna bhar diya he kashkol bhartay bhartay

Mayray soonay soanay ghar ko kabhi naymatayn ataa kar
Meyn divana ho gaya hoon tayri raah taktay taktay

Meyn na ja-oon ga o darbaar kabhi chhoarr kar yay galiyaan
Kay, meyn poancha hoon yahaan tak mayray yaar martay martay

He jo zindgaani baaqi yay irada kar liya he
Tayray mukiron say aaqa meyn maroon ga larrtay larrtay