Bohot din hoo gaye, Taiba ke raste dekh to Aayein Chalo uss Shehr ko ik baar phir se dekh to Aayein Uttar jaayegi mehroomi ki chaadar Shehr-e-Taiba mein Chamak utheinge qismat ke sitaare dekh to Aayein Judaai ke dhuleinge naqsh gehre dil ki takhti se Charhega rang qurbat wo, nazaare dekh to Aayein Ussi din aarzuon ke khandar mein roshni hogi Dar-e-Sarkaar (salla Llahu ‘alayhi wa sallam) ke roshan ujaale dekh to Aayein Huzoori ki wo pehli pehli saa’at khoob rulaati hai Nigaahon ko ussi dar ki tallab hai dekh to Aayein Haseen palkhon ka chilmann kholeinge jaa kar Madine mein Sadaa aankhon mein rakheinge wo jalwe dekh to Aayein Mehekti khushbooein khud hi pataa uss Shehr ka deingi Ujaagar utho himmat karlo chalke dekh to Aayein Bohot din hoo gaye, Taiba ke raste dekh to Aayein Chalo uss...

Hum bhi aye kaash Madine mein bulaaye jaate Shah-e-Konain (salla Llahu ‘alayhi wa sallam) ke mehmaan banaaye jaate Zindgaani ko bhi jeene ka saleeqa aata Raat bhar Unki huzoori mein jagaaye jaate Wajd mein hoke bhi eik hosh ki dunya hoti Parde aankhon se meri itne hattaaye jaate Aapke (salla Llahu ‘alayhi wa sallam) qurb ki khushbu ki sa’adat ka nasha Dekhte Roza-e-Purnoor ko aate jaate Eik jharri ansuon ki nazr-e-aqeedat karte Daagh-e-isyaan bhi issi tarha mittaaye jaate Martaba apna bhi shahon se zyada hota Unki dehleez pe jab Shaad bithaaye jaate. Hum bhi aye kaash Madine mein bulaaye jaate Shah-e-Konain (salla Llahu ‘alayhi wa sallam) ke mehmaan banaaye jaate