Yaad e mustafa aisii bass gaii he seenay mayn
Jism ho kahiin apna dil to hh madinay mayn
Koan he yay deevana kis ka he yay deevana
Hashar mayn bhi kehta he jana he madinay mayn
Koan si jaga un kay aashiqon say khaali he
Har jaga he parwanay shamma he madinay mayn
Koan he tayra rehbar puuchha to khizar bolay
Kali kamli walay heyn rehtay heyn madinay mayn
Mayray kamli walay ka ghar to he Madinay mayn
Haan magar wo rehtay heyn aashiqon kay seenay mayn
Baad mayray marnay kay har zubaan pay charcha tha
Aadmi to achha tha mar gaya madinay mayn
Kaash un kay kuuchay ay saba la-ay yay peyghaam
Chal tujhay bulatay heyn mustafa madinay mayn
