Baithe baithe kaam saara ho gaya
Sabz gumbad ka nazara ho gaya
kar liya Allah ne usko pasand,
jo mere Aaqa ka pyaara ho gaya
Mil gaya sadqa mujhe Aaqa ka,
zindagi bhar ka guzara ho gaya
Naam naam-e-Mustafa salli ‘ala,
besaharon ka sahara ho gaya
Aap ke darbaar gohar baar se,
Saare mangton ka guzara ho gaya
Mohsin aasi hai yakeen yeh hashr mein
woh kahenge, tu hamara ho gaya
Zindagi bhar naat main parhta raha
Meri bakshish ka sahaara ho gaya
