taron mein roshni mere Nabi (salla Llahu ‘alayhi wa sallam) se hai
chanda mein chandi mere Nabi se hai
kaliyon mein tazgi mere Nabi se hai
phulon mein dilkashi mere Nabi se hai
roshan jahan tha kal bhi huzoor se
yeh noor aaj bhi mere Nabi se hai
rangeen yeh jahan tha kal bhi huzoor se
jannat ka husn bhi mere Nabi se hai
chumein na kyon qadam kaba bhi shauk se
nisbat Bilal ki mere Nabi se hai
woh jo na hon to kuch bhi na ho jahan mein
dunya mein zindagi mere Nabi se hai
farooq kyoun kahon main khud to kuch nahi
izzat hai jo meri mere Nabi se hai
